BeeBee的部落格

31/12,我要返工呢,放工時我約了老婆出黎倒數呢,我們去了九龍站的圓方element倒數,去到時發覺原來個商場都無咩野行呢,好多野都唔岩我地睇,有好多賣好貴衫既服飾店...

之後我們差不多整個商場行晒, 最有興趣既都係戲院,書店,百老匯,溜冰場等,去到溜冰場仲發現有半個用左黎做function for倒數呢~老婆仲以為做咩個溜冰場會咁細呢~:P

之後我們不斷找餐廳食,那裡好多餐廳都好貴呢...有度仲要每個人有最低消費$400...之後老公我先後兩度和外國人對話亦表現得對答如流,那時才發覺原來我英文都唔太差呢~:P (第一度係$400最低消費餐廳果度,第二係買雞尾酒)

最後我們找了千兩食,千兩即是高級版既元氣壽司,我們等了好久呢...行完兩轉個商場都仲要等三十張枱...好在埋單都唔算貴,都係三百蚊左右,係圓方黎計算係咁啦~一諗起人地每個人最低消費$400我就覺得千兩好抵呢~:P

食完後無耐我地去左廁所,發覺個廁所真的很靚呢,而且仲設有等候區專俾男朋友等女朋友,老公等老婆等~等候區佈置了紅色地氈,而且仲有sofa位~又有雜誌,諗起都覺得使唔使咁大陣仗呀...^^"等人者...

之後我地去左倒數,我帶住老婆搵左陣,原來最後係係溜冰場出面...真係踏破鐵鞋無覓處,得來全不費功夫...=.="

之後等左差不多半個鐘...原來要到11:59至開始...倒數60秒係狂放5分鐘煙花~雖然煙花一般啦,但氣氛一流呢~同老婆一齊去倒數真係好開心呢~>v<

我愛您呀老婆!~啜啜啜~>3<"